श्री जितेंद्रनाथजी महाराज

भाऊमहाराज नाथजी व हटेंद्रनाथजी यांच्या कृपाशीर्वादाने गुरुवर्य जितेंद्रनाथ यांच्या संकल्पनेतून हिवरे तर्फे नारायणगाव शिवहरीनगर या ठिकाणी “बडेबाबा मच्छिंद्रनाथांचे” भव्य मंदिर असून, या ठिकाणाहून नाथ सांप्रदायाच्या कार्याचा प्रचार प्रसाराचे व दुःखी लोकांचे दुःख दूर करण्याचे कार्य गुरुवर्य जितेंद्रनाथ यांनी हाती घेतले आहे. पण सर्वप्रथम या कार्याची सुरुवात त्यांच्या वयाच्या अकराव्या वर्षापासून सुरू झाली, या कार्यामागे त्यांच्या आई-वडिलांचे मोलाचे योगदान आहे. लहानपणापासूनच आई-वडील व त्यांचे कुटुंब अध्यात्मिक सेवत असल्या कारणाने घरामध्ये आदिनाथ महादेवांची , दत्तप्रभूंची व नवनाथांची सेवा घरात होत असत, आई-वडिलांच्या या अध्यात्मिक संस्कारामुळे गुरुवर्य जितेंद्रनाथजी यांच्यावर नवनाथांच्या सेवेचा व कार्याचा प्रभाव पडणे साहजिकच होते. यातुनच त्यांनी मच्छिंद्रनाथांचे पुत्र मीननाथ यांची आठ वर्ष रोजची तीन तास ध्यान साधना करत असत. या साधनेतून मीननाथांचा साक्षात्कार झाला व त्यांच्या आदेशानुसार जितेंद्रनाथजी यांनी आदिनाथ महादेवांची कठोर साधना सुरू केली, या साधनेतून महादेवांचा कृपाआशीर्वाद नाथकार्यासाठी मिळाला. महादेवांनी नवनाथांमधील सर्वात प्रथम असणारे नाथजी म्हणजेच “बडेबाबा मच्छिंद्रनाथ” यांची साधना करावयास सांगितले, या साधनेतून “बडेबाबा मच्छिंद्रनाथांनी” प्रसन्न होऊन त्यांना नाथ सांप्रदायाचा प्रचार- प्रसार व दुःखी लोकांचे दुःख दूर करण्याचे आदेश दिले. तसेच सर्व देवी देवतांना प्रसन्न करवून दिले. गुरुवर्य जितेंद्रनाथांना गुरु नसल्याकारणाने “बडेबाबा मच्छिंद्रनाथांनी” सर्वप्रथम गुरुवर्य जितेंद्रनाथांना देहरूपी गुरु करावयास सांगितले, कारण की गुरुशिवाय ज्ञान नाही. परंतु नाथ सांप्रदायाचे कार्य करत असताना गुरु नसल्याकारणाने काही अडथळे निर्माण होत असत, पण “बडेबाबा मच्छिंद्रनाथांच्या” आदेशानुसार प्रथमता भाऊमहाराज नाथजी व त्यांच्या कृपाआशीर्वादाने हटेंद्रनाथजी यांची गुरुकृपा प्राप्त करून घेतली. व खऱ्या अर्थाने नाथ सांप्रदायाच्या कार्यासाठी जितेंद्रनाथजी यांना एक नवसंजीवनीच मिळाली. म्हणूनच म्हटले आहे की,

अलख निरंजन आदेश आदेश आदेश . . .